Course events

Intercourse events

Архив 2019

Архив 2018

Архив 2017

Архив 2016

Архив 2015

Яндекс.Метрика


Гостевая книга
«Біліктілермен бір күн» жобасы аясында «Ұстаз – үлгі, өнеге, ұлағатым» шарасы өткізілді
Thursday, 19 December 2019 16:32

Үстіміздегі жылдың 19 желтоқсан күні «Өрлеу» БАҰО» АҚ филиалы «БҚО ПҚБАИ» ұжымының ұйымдастыруымен дәстүрлі «Біліктілермен бір күн» жобасы аясында «Ұстаз – үлгі, өнеге, ұлағатым» атты шара болып өтті. Шараға институтта ұзақ жылдар елеулі еңбек еткен Өтебай Құспанұлы бастаған ардақты ардагерлер және институт қызметкерлері қатысты.

«Қариясы бардың – қазынасы бар» демекші, ұрпақтар сабақтастығына жетелеген мәні зор шараны ұйымдастыруға мұрындық болған институт директоры Софья Салахиденқызы ардагерлерге қош келдің айтып, жүрекжарды лебізін білдірді.

Шара барысында  институт директорының оқу-әдістемелік жұмыстар жөніндегі орынбасары Елдос Сафуллин ардагерлерді киелі қара шаңырақтың қазіргі тыныс-тіршілігі, курстық және курсаралық шаралардың мазмұны, нәтижесімен таныстырып, қол жеткізген жетістіктерге тоқталып өтті.

Ардагерлерді ұлықтауға арналған жиында сөз алған Курстан кейінгі қолдау және инновацяларды енгізу зертханасының меңгерушісі Күлән Дүйсенгалиева бөлімнің қоғаммен байланыс жұмыстарына, курсаралық шараларды қолдау барысында атқарылған шараларға шолу жасап, дайындалған «Интервью с интересным человеком», «Живой разговор с учителем», «Сабақтың қызықты сәттері», «Лучшие в профессии», «Нескучное интервью» бейнероликтерін тамашалауға шақырды.

Тағылымды кездесуден әсерленген аға ұрпақ жиын соңында институт ұжымына ризашылықтарын білдірді.

 

Add comment

Комментарий публикуется через пару секунд. После отправки, можете смотреть выше.
Пікір сайтқа сәлден кейін шығады. Жібергеннен кейін жоғарыдан қарауыңызға болады.