Курстық шаралар

Курсаралық шаралар

Архив 2019

Архив 2018

Архив 2017

Архив 2016

Архив 2015

Яндекс.Метрика


Гостевая книга
Курс аясындағы көшпелі тәжірибелік сабақтар
15.11.2018 13:13

2018 жылдың 5-16 қараша аралығында «Өрлеу» БАҰО» АҚ филиалы БҚО ПҚБАИ «Интернаттық ұйымдардағы тәрбиешілердің кәсіби құзыреттілігін дамыту» тақырыбындағы интернаттық ұйымдардың тәрбиешілерінің біліктілігін арттыру курсын өткізуде.

Қурсқа облыстың интернаттық ұйымдардың 30 интернат меңгерушілері мен тәрбиешілері қатысуда.

Курс аясында көшпелі тәжірибелік сабақтар қарастырылған. КТС мақсаты мен міндеттері:

  • Тәрбиеленушілердің жеке-психологиялық ерекшеліктерін дамытуға және түзетуге бағытталған балаларға жетекшілік ету жолдарын тәжірибеде көрсету;
  • Интернаттағы тәрбиелік шараларға қатысу;
  • Гендерлік тәсіл негізінде оқу-тәрбие процесін ұйымдастыру бойынша іс-тәжірибе алмасу.

Курс бағдарламасына сай тыңдаушылардың теориялық білімдерін тәжірибемен ұштастыру мақсатында 14 қараша күні облыстық көру қабілеті бұзылған балаларға арналған арнаулы мектеп-интернатында  «Тәрбиеленушілердің жеке-психологиялық ерекшеліктерін дамытуға және түзетуге бағытталған балаларға жетекшілік ету. Гендерлік тәсіл негізінде оқу-тәрбие процесін ұйымдастыру» тақырыбында өткізілген көшпелі тәжірибелік сабақтар аясында ұйымдастырылған тәрбиелік шараларға, түзете-дамыту шараларына курс тыңдаушылары белсене қатысты.

КТС бағдарламасы бойынша мектеп-интернат директоры А.Н.Губашев тыңдаушыларға «Мектеп-интернат тынысы» тақырыбында шолу жасады,   Тәрбиеші Ж.Куспанова танысу және көңіл күйді арттыру мақсатында «Менің көңіл күйім» тренингін өткізді. Сонымен бірге жоғары санатты дене шынықтыру пәні мұғалімі М.Абуев «Тәрбиеленушілердің жеке психологиялық ерекшелігіне бағытталған «Тоғыз құмалақ» ойынын ұйымдастыру» тақырыбында іс- тәжірибесімен таныстырды.  Ұйымдастырушылар курс тыңдаушыларын екі топқа бөлді, әр топ екі тәрбиелік және түзете-дамыту шараларына қатысты. Мектеп интернатының тәрбиешілері А.Хангереева, Л.Уалиахметова «Достық», Г.Бисенбаева, Қ.Рахимова «Отбасы-сәнді сыйластық» тәрбие сағаттарын, мектеп психологі А.Ізғалиева «Сенсорлық бөлмедегі сиқырлы әлем» түзете-дамыту  терапиясын, тифлопедагог С.Талапова «Оқушылардың арнайы тифлоқұралдары пайдалану әдістері» түзете-дамыту  сабағын өткізді. Мектеп интернаттың ұл балалар тәрбиешісі Қ.Әнес «Өнер шыңына шығар жол» атты дарынды балалармен сұхбат, тәрбиеші А.Балажан «Тұмар жасау» шеберлік сағатын және мектеп-интернаттың өнерлі балалары, «Жұлдыз-ай» республикалық байқауының жеңімпаздары өнерлерін көрсетті.

Директордың тәрбие ісі жөніндегі орынбасары А.Қожанғалиев «Рефлексия» бөлімінде тыңдаушыларға  кері байланыс өткізді. Курс тыңдаушылары теориялық білімдерін тәжірибе жүзінде толықтырып, КТС-тан алған жақсы әсерлерімен бөлісті.

Көшпелі тәжірибелі сабақтар өте жоғары деңгейде өтті,  ұйымдастырған облыстық көру қабілеті бұзылған балаларға арналған арнаулы мектеп-интернатының  директоры А.Н. Губашевке және ұжымға институт атынан алғыс білдіреміз.

 

Пікір қосу

Комментарий публикуется через пару секунд. После отправки, можете смотреть выше.
Пікір сайтқа сәлден кейін шығады. Жібергеннен кейін жоғарыдан қарауыңызға болады.